ارنا کے مطابق اسلامی جمہوریہ ایران کے دفترخارجہ کے ترجمان اسماعیل بقائی نے یمن کے خلاف امریکا کے فضائی حملوں کو غیر قانونی اور بین الاقوامی قوانین نیز بنیادی اصول وضوابط کی کھلی خلاف ورزی قرار دیا ہے۔
انھوں نے کہا کہ یہ حملے، مقبوضہ فلسطین میں نہتے فلسطینی عوام کی نسل کشی جاری رہنے اور خطے میں بدامنی بڑھنے کا سبب بنیں گے۔
ترجمان وزارت خارجہ نے یمن کے عوام کے ساتھ اسلامی جمہوریہ ایران کی یک جہتی کا اعلان کرتے ہوئے کہا کہ ہم صیہونی حکومت کی جارحیت اور وحشیانہ جرائم کے مقابلے میں انسانی فریضے کے عنوان سے مظلوم فلسطینی عوام کی حمایت جاری رکھیں گے۔
انھوں نے کہا کہ یمن کے خلاف امریکی حملے، بین الاقوامی امن وسلامتی کے لئے خطرہ ہیں اور ان کا سلسلہ فوری طور پر بند ہونا چاہئے۔
اسلامی جمہوریہ ایران کے دفترخارجہ کے ترجمان نے اسی کے ساتھ اقوام متحدہ کی سلامتی کونسل سے اس حوالے سے اپنی خاموشی توڑنے، اور اسلامی تعاون کی تنظیم او آئی سی نیز اسلامی حکومتوں سے، یمن کے خلاف جارحیت، نیز بین الاقوامی امن وسلامتی کی خلاف ورزی نیز قانون شکنی روکنے کے لئے موثر اور ہمہ گیر اقدام کا مطالبہ کیا ہے۔
آپ کا تبصرہ